सत्यता

आमचा हा श्रीमंत देश फक्त मतांसाठीच झडतोय....

अन दिवसेंदिवस मात्र गरीबीच प्रमाण वाढतंय.... !

शासनातर्फे हि फक्त " त्यांना "च सवलती मिळतात.....

अन खरंच गरीब येथे श्रीमंतामध्ये वळतात ... !!

फुकटात अडमिशन मिळणार "लाडकं" "पल्सर" वर कॉलेजात येतंय ......!

वरून मिळणारी "स्कॉलरशिप" माणिकचंद -विल्स मध्ये उडवतंय......!!

ज्याला खरंच शिकायचंय ,तो राब राब राबतोय ...

शिकूनही नोकरी नाही मग हमालीच करतोय ....!

नोकरी मिळण्यासाठी आम्ही मुलाखती देतो ,पण "

डोनेशन" नाही म्हणून आमचा पत्ता कट होतो ...!

चार लाख भरणारा "बावळट" येथे शिक्षक होतोय !

अन शिकणा-या भारतच वाट्टोळ करतोय ...!!

"स्कोर्पिओ "च्या मालकाला इथे "पिवळ कार्ड" मिळत ..

अन खरंच गरज असलेल "केशरी " मध्ये वळत ...!

लखपती असूनही निराधार दाखवलं जात ..

वरून मिळणारी "संजय गांधी"च गळ्यात सोन वाढत ..!

बेघर म्हणून त्यांना घरकुल मिळत ..

भाडेकरी टाकून तेथे , भाडं फस्त होत ...!

कितीही करा अभ्यास .आम्हाला मिळतो सेकंड क्लास ..

कॉपिंग ने लिहिलेल्या पेपरला "डिस्टीग्शन - फर्स्ट क्लास "

उपचार करण्या कोणाचे लागतो आधी "advance" ...

.जमवेपर्यंत रक्कम थांबतो इकडे श्वास....!

खड्ड्यात गेली लोकशाही इथ फक्त ती लोकच "शाही " आहेत ..

काहीही केले त्यांनी तरी ते कायद्याचे व्याही आहेत !

आम्ही सर्व एक तरी सवलती इथे भिन्न आहेत ..

सुटेल का कधी हे ..आता प्रश्न् चिन्ह आहे

© 2011योगेश पगारे

Share this :